വിഭാത്തെ കുറിച്ച്

ഉത്തര കേരളത്തിലെ വൻകിട-ഇടത്തരം ജലസേചന പദ്ധതികളുടെ നിർമ്മാണം, പ്രവർത്തനം, പരിപാലനം എന്നിവയാണ്  ജലസേചന വകുപ്പിന്റെ പ്രൊജക്ട്-1 വിഭാഗം കൈകാര്യം ചെയ്യുന്നത്. പ്രൊജക്ട്-1 (കാവേരി സെൽ) ചീഫ് എഞ്ചിനിയറുടെ നേതൃത്വത്തിൽ പ്രവർത്തിക്കുന്ന ഈ വിഭാഗത്തിന്റെ ആസ്ഥാനം കോഴിക്കോട് കാവേരി ഹൗസ് ഇറിഗേഷൻ കോംപ്ലക്സിലാണ്.  ചീഫ് എഞ്ചിനീയർ പ്രൊജക്ട്-1 ന് കീഴിൽ രണ്ട് സർക്കിൾ ഓഫീസുകൾ ഉണ്ട്. ശിരുവാണി പ്രൊജക്ട് സർക്കിൾ പാലക്കാട്, പ്രൊജക്ട് സർക്കിൾ, കണ്ണൂർ. ഓരോന്നിനും ഓരോ സൂപ്രണ്ടിംഗ് എഞ്ചിനീയർ നേതൃത്വം നൽകുന്നു. പാലക്കാട് മുതൽ കാസർകോട് വരെയുളള താഴെപ്പറയുന്ന പദ്ധതികൾ ചീഫ് എഞ്ചിനീയർ പ്രൊജക്ട്-1 ന്റെ നിയന്ത്രണത്തിലാണ്.

ചമ്രവട്ടം റഗുലേറ്റർ കം ബ്രിഡ്ജ്, വെളളിയാങ്കല്ല് റെഗുലേറ്റർ കം ബ്രിഡ്ജ്,  വിഭാവനം ചെയ്തിട്ടുള്ള അട്ടപ്പാടി വാലി ജലസേചന പദ്ധതി, കബനി സബ് ബേസിനിലെ പദ്ധതികൾ, എന്നിവ കൂടി ഈ വിഭാഗത്തിന്റ കീഴിൽ വരുന്നു. കേരള-തമിഴ്നാട് സർക്കാരുകളുടെ കരാറിന്റെ അടിസ്ഥാനത്തിൽ തമിഴ്നാട്ടിലെ കോയമ്പത്തൂർ നഗരത്തിലേക്ക് കുടിവെളളം എത്തിക്കുന്നതിനായി നിർമ്മിച്ച ശിരുവാണി അണക്കെട്ടും ഈ വിഭാഗമാണ് പരിപാലിക്കുന്നതും പ്രവർത്തിപ്പിക്കുന്നതും.